Hman kum lawka kan Zorama kan chin uar em em sawhthing man a tlakhniam em em lai, hmun tam zawkah phei chuan hralhna pawh awm lova, hmun thenkhatah chauh 1kg Rs. 2.25-a a hralh theih lai khan kan thenawm state Meghalaya-a lehkha kan zir lai a ni a. Tukkhat chu Laitumkhrah chawhmeh zawrhna-ah ka lu meh hun nghak ka tei lut ve mai mai a. Thlai chi hrang hrang man te chu ka zawt kual mai mai a. Sawhthing man ka han zawh chuan ka phu zawk mai. Silfai sa pawh ni chuang lem lo, han keu buna a chhung dum ham mai pawh nei hauh si lo hi 1kg Rs 72 an lo chhiar a. Ngaihtuahna a kaldingin a hruaithui duh ngei mai.

Mitthlaah chuan thingtlang lama kuthnathawktute, beiseina nasa tak nei chung leh phur taka sawhthing chingtute hmel a lo lang a. An faten rual an awt bik lutuk anga, mifate neih ang nei zo lovin, mi fate hmuh leh hriat ang  an hmuin an hre ve phak lo dah ange ti a, zing nichhuak chhiara lo lam pana chawfun nena feh chhuak thinte dinhmunah chuan ka han indah chhin a. Ruahsur leh vangvat pawn a tuk daih zawh loh, thosi leh nisa rum elkhen pawn a tihnem zawh loh an rualawhna leh beiseina te hlawhchhamtirtu chu tute hi nge ni a, eng hi nge maw kuthnathawktute hmasawnna dal tlattu hi ni ang aw tiin ka ngaihtuah a. Kut hnathawktute dinhmun leh hun tawn mek ka ngaihtuah a, beidawnthlak ka ti. He thil hian vawiin ni thleng hian ka ngaihtuahna a luah leh thin.

Keini ang mi satliah ve mai leh chinchang pawh hre em em lo tan chuan kan ram thenawma Sawhthing a to em em lai pawha, kan Zorama Rs 2.25 chauh a nih tlat si dan te hi ‘thil mak’ a ni tawp mai a Kut hnathawktute hamthatna tur tihtakzeta buaipuitu ni-a inchhal, ni sensa hnuaia mangkhawh hrehawmzia te, thosi leh vaihmite kara hlothlawh naimai lohzia te, vangvat saitial leh vangvat phar pawh hrehrang hauh lo te hmel hmuh hi a hrehawm. Engtikah emaw chuan hengho hmel hmuh hi kuthnathawktute tan hian a la ninawm ngawih ngawih dawn. Thingtlang hnathawktute hi mifing pangngai tan hrenbeh reng chi an ni lo. An hma ngai ni awm taka thu sawi hluap hluap te hian nghawng a la nei dawn. Sawrkar thar leh kalphung tharin an tana awmzia reng reng a neih lohzia an hriatchhuah hun leh kan Zoram lo neih dan phung felhlelh avanga kan ram kan tih chereu hun meuh chuan, tuna diklo taka mipui chanai ei hmang te hi an la ip ang a; mi hausa leh Lazara thawnthu te kha chu nepte a la ni ang.

Chutih hunah meuh chuan vawiina tawngkama kuthnathawktute hamthatna duhtute hian thinlung leh tihtakzetin kuthnathawktute an hlau tawh ang. Chu ‘ram lo thleng tur’chu kan Pa vana mi ram ni lovin, hlemhletna leh eirukna a hring a hrana tharum leh inrikrapna hmanga thungrulhna ram a ni ang. Mipui riltam leh thinrim, chanai chanloh avanga ‘chanhai’ te chu he kan kristianna dazat leh belhchian dawllo zet hian tharum thawh lo turin a dan beh theih ring duh suh !

Maharashtra state chhungah tun kum thum liamta chhung khan loneitu beidawng lutuk mi 3,000 chuang tehmeuh an intihlum a. Vidharba-a loneitute beidawng lutuk phei chu tun thlaruk liamta chhung khan thlatin mi za chuang an intihlum a, hei, January thla chhung ngawt pawhin mi 62 chu an intihlum leh tawh a. Hetiang khawpa dinhmun chhia leh lungchhiatthlakah hian kan mizo loneitute hi ding ve ta se an intihlum ve mai hlawm angem ? Ka ring chiah lo. Beidawn lutuk avanga intihlum ringawt chi kan ni lo, mizote hi.

Kan rama loneitute hian engvanga hmasawn thei lo nge an nih tih hi chhuichhuak turin tu puihna mah an mamawh kher lovang. An mamawh anih pawhin puitu an vai hauh lovang. Mizopa, rinawmna leh huaisenna nunpuitu, beidawnga siama, a kaw tawp thleng rawka nawrbeh anih vaih zawngin zonunmawi thlauhthla-a, eirukna leh hlemhletna hmanga Pathian ram ip phena biru ho hian rei an nawrbet zo lovang. Engtikah emaw chuan Zoram loneitute hi an la rawn harhchhuak ang a, thlaithar eng eng emaw enchhin nana an thahrui leh theihna te hmansaka, a hlawkna tel tak tak tur awm leh si lo inchintir chiam chiam tluka inzahpah lohna a tlemzia te an la rawn hrethiam ang. A chang chang chauha sawhthing leh thlai thar dang pawh hralhna a awm thei thinte, mi rama thlai manto tak pawh kan rama a tlawm bik tlat thin te hi a chhan dik tak an rawn hriat chian hun meuh chuan, enganga tawngkam thiam pawh ni se, eiruk hmang anih phawt chuan mipui thinurna chu a chungah a la rawn tla ngei ang. Hei hi a ni ‘ram lo thleng tur chu’ ni. A tlai luat hma hian insiamthat a hun tak meuh a ni.

Original Post Date: 2007-01-31

Author: James CVL Thafamkima

(In loving memory of the first Mizo priest  Rev. Fr. Alexius Sanglura, SDB on the first anniversary of his death). Born 8 oct 1932.   Died 28 Jan 2006

HIS LIFE

It is hard to believe that Fr. Alexis Sanglura, the first Mizo priest, is no longer with us! He left this world on 28th Jan 2006.  He was born at Hmuifang, Aizawl on 8th October 1932. His parents were Hnuni and Neihlaia. After his early schooling in his place, he came to Don Bosco, Shillong in 1940s and studied here from Class VII. It was at Don Bosco, Shillong that he came in contact with the Catholic Missionaries (Salesians) and decided to join them. He was sent to Sonada, West Bengal for his training. He made his first profession on 24th May, 1956 at at Yercaud, Tamil Nadu. After completing his studies (theology) at Kotagiri he was ordained a Priest in Shillong in 1966.

Fr. Sanglura began his priestly ministry in St. Paul ’s Minor Seminary, Shillong in 1966. However within a year he was transferred to the Cathedral Parish, Shillong as Assistant Pastor. He worked in the cathedral parish, Shillong for five years and was asked to move to Jongksha parish where he served for the next three years. From 1975 to 1982 he worked as Assistant Pastor in Haflong in North Cachar Hills. Towards the end of 1982 he went to Vellore for treatment and on his return in 1984 he was sent to Kumarikatta as Parish Priest. After serving the parish of Kumarikatta for three years he was made the Pastor of St. Dominic Savio Parish, Mawlai in February 1987. In 1991 he was sent to Khliehriat as Assistant Pastor. His keen desire to work in Mizoram was fulfilled when he was appointed Assistant Pastor of Saiha in South Mizoram in 1994. He eventually became the Pastor of Saiha in 1998.  In 2001 he was asked to be the Pastor of Seling. On account of his poor health he was relieved of this assignment as well and as the dialogue was going on for a new appointment that his end came suddenly on 28 Jan 2006  midnight at Haflong.

HIS MISSIONARY WORK

r. Sanglura was a very determined and enthusiastic person. He underwent many difficulties and trials in order to achieve his goal. But he stuck to it. His vocation story is an inspiring one. He came from a loving family. And since he came from a non Catholic background his decision to become a priest must have required great courage on his part. In 1960 he wrote to his Superior , “It is almost ten years that I have not been home. My mother is getting old and my relatives would like me to see her again. If you find it convenient to send me home after BA, I would be most grateful to you. But arrange things according to your own convenience.” After his holidays he wrote again to the Superior saying “I stayed just eight days with my mother. I did not move anywhere. I was always withy her. My mother and the rest of the family were very glad to see me. Now I can say that they are all very glad about my religious life. The way of the Lord is wonderful. All felt that my stay was a little too short. When I was leaving my mother was crying and said, “I will not see you again, I am getting old now and I will not be able to wait till you visit the next time.” It was very hard for my family to see me off again.

Fr. Sanglura was eager to prepare himself for his mission. In 1959 he wrote to the Superior from Sonada. “When I come back to our Province I do hope you will please give me a chance to learn a new language either Assamese or Hindi. If I do not learn them now, I think I will find them very difficult later on.” He learned well enough quite many languages in order to speak sufficiently well to manage his work.

Fr. Sanglura suffered due to his ill health. He suffered from rheumatic arthritis, chronic malaria and heart problems. But in spite of these he carried on working as much as his health permitted. He kept his superiors informed about his health condition.

HIS LOVE FOR MIZORAM

Sanglura’s dream was to work in Mizoram. He had several plans for the work in Mizoram. One of them was to gather the Past Pupils of don Bosco and organize into a powerful force for the betterment of society.

AS A PERSON

Those who were close to Fr. Sanglura, knew him and loved him. One of those who knew him writes, “he loved the communities wherever he was. He loved Don Bosco and his priestly Vocation.” One his students had this to say, “I was really shocked to get the sad news of the passing away of Fr.Sanglura, we’ll miss him a lot. He was always good at heart, very missionary minded and always for the Church & Don Bosco. I was associated with him quite many times especially in his missonary tour in Mizoram.”

CONCLUSION

Henry Wadsworth Longfellow wrote: “And our hearts … like muffled/drums are beating funeral marches to the grave.” We are all journeying towards the grave but the grave is not our destination. We are believers in life beyond the grave. Let this belief guide the way we live our lives. Eternal rest grant unto him O Lord. And let perpetual light shine upon him. May he rest in peace. Amen.

Original Psot Date: 2007-01-21

Author: Web Team

From: Denis Lalfela, Rome, Italy

Mizorama sapho an luh tak tak hma kha chuan hnamdang nen hian kan inchiahpiah tehchiam lova, chimral hlauhna thinlung lah kan nei hek lo. Kan chantawkah kan lungawi hliah hliah a, kan mizo lalte khan ropui an inti em em a, ‘ni leh thla kara leng’ an inti hial thin a nih kha. Mahse, hun inherin khawvel dang hmuhah min phochhuak ve ta a, ram danga hnam dangte nun dan hriaa zir theiin kan lo awm chho ve ta a. Zoram pawn hmuh theihin hma a sawn zawt zawt a. Hmasawnna chuan kan nih phak ngai loh leh mumang ram pawha kan man phak ngai hauh loh khawpa sang, kan lal ten ni leh thla kara leng ni-a an inhriat lai ai pawha dinhmun changkang leh sang zawkah min hlangkai ta a. Khawvel hmun dang ang bawkin hnam dang nen pawh kum 2000 a lo inherchhuah meuh chuan kan inchiahpiah ta nuaih mai.

India ram, khawvela mihring tamberna dawttu ni phak khawpa mipui tamna hmunah, ram peng pakhat anga pawm kan nih hnu phei chuan kan ramah sum peipun tumin hnam dang an lo lut ta zut zut a, chutah kan thalai leh ngaihtuahna hmang nasa deuh ten chimral mai kan nih hlauhawmzia an hmufiah thiam chho ta a. Hnam dang ngaihtheih lohna thinlung pawh kan rilruah a intuhlian chho ta hle a. Hnam dang aia sang zawk ni-a inngaihna hi hmanlai atang daih tawha kan thinlunga lo intuh a ni mai thei. Vai ho hmuhsitna phei hi chu engtia rei leh thuk chiah nge kan thinlungah a lo intuh tawh tih hi chhut fe a ngai ang. Kristianna-in min han chiahpiah a, kan Missionary hmasa te khan kan thluak pawh min suksak nasa hle. Kan ngaihsan zawng leh ropui tih zawng pawh kum za kristian kan nih meuh chuan a inthlak ta he hu mai a. Hetih rual hian kan economic dinhmun pawh nasa takin a inthlakdang lam a. Hei hian hnam dang tam tak, kan rama hnathawk leh hnathawh tur zawng pawh a kum telin a rawn tipung ta a. Hnam dang nen he kan Zoramah hian zingtin nichhuak chhiarin sum leh pai hailuh tumin kan phe ta suau suau mai a.

Hetia hnam dang tam tawk tak kan rama an tualchai ve tak hnu hian kan mizo rilru, hnamdang, a bik takin khawchhak mi leh ‘vai’ kan tih mai ho hmuhsitna leh ngaihnepna hian min kiansan hleithei meuh lo niin a lang. Hei hi a ni tuntuma ka sawilan duh ber chu ni.

Khawi ram mah hi mahni ringawtin a intungnung zo lova. Midang nena insumdawntawnna emaw inthianthatna emaw tel lo chuan hma a sawn tak tak hleihtheih meuh loh bawk. Kan ramin hma a sawn rualin vai sumdawng leh Burma lam sumdawng te, India sawrkar hnuaia thawk vai officer te kan kawtkaiah an inrawn inbengbel ve tan ta a. Hengho kan lo mikhual dan leh an laka kan khawsak duh dan hi enfiah fe a ngai a ni. India ram, mipui sawrkarna ram, fundamental rights chi hrang hrang mimal tin hnena pek a nihna hmuna  cheng leh khawsa kan nih hi engtiklaimahin kan theihnghilh thei lovang. Hemi a nih miau vang hian kan rama hnamdang awm ve te kan en dan leh kan mikhual danah hian inenfiah kan mamawh ta a ni.

Tunlaiah chuan khawlaia vai chhang zuar hmuh tur an tlem ta hle a. Hman deuh hlek, kum sawm emaw chauh liamta ah kha chuan khawlaia vai chhang kawt hmuh tur an tam thin hle. Heng vai chhang zuar ho hi kan tlangval ten an nawm an makin an lo sawngbawl vel thin a. Duh leh an chhang zawrh a thlawnin an eisak chiam a, a changin a zuartupa an lo vel a. Burma lam mi lah chu kut thak hnawih nan tak te kan hmang fova, a khaikhawm nan – hnamdang kan rama awmte chungah kan inluling hle thin ti ila kan sawi sual lovang. Vawiin ni thlengin kan rama hnathawka awm hnamdang te chungah hian kan la inluling hle a. Tlema luhlul deuh leh han invai pawr ve deuh chu kut thlak kan chak hliah hliah zel mai niin  a lang. Hei hi a fuh ber em le ?

Zirna lamah hma kan sawn rualin kan mizo thalai tam tak ram pawnah an chhuak ve ta a. Ram pawna kan awm hian kan thalai tam tak hian awmdan kan thiam lova, vai kan ngaih nepna kan paih mai theih loh avangin hnehsawh tak taka tih ching leh kut hial pawh lo thlak duh tawk kan awm thin. Hetiang anih lai hian Mizote kan awm tamna India ram khawpui thenkhatah te chuan kan mizo tlangval inla pawr tak tak,  zu-ina khawlaia vela kal nam thur thur te hmuh tur an awm leh zauh thin a. Hengho erawh hi chuan Mizoram angin ‘hnamdang’ nih avang ngawta buaina tawh an hlau ve ngai lem lo niin  a lang. Tin, keini kristian ho ai hian hnamdangte hi an rilru a lo puitling zawkin dawhtheihna te hi an nei lian zawk hle tih a lang chiang hle thin. Dik chauh chuan kan ramah hian vai tlangval kekawr ha fual hnek hnuk, zurim nam thur thur leh tawng deuh lung lung hmu ta ngat ila, kan Kristian thalai inkhawm bang pawn kan vel hrep duh mai lovang maw ? Hnam dangte hi, an rama kan zalen ang hian kan ramah hian an zalen ve em le ?

Tunlai Mizoram chuan vai dawrkai liante pawh hian zalenna an tlachham hlein ka hre thin. Pawl thenkhat, thiltha tih tum, mahse, a tihna tura sum nei lem lo te hian kan vai dawrkai liante hnen atangin sum kan khawn fo thin niin an sawi a. He thil hi a dik a nih ngai ngat phei chuan kan insiamthat thuai a ngai. India khua leh tui kan nih ang bawk hian kan rama vai awm ho pawh hi India khua leh tui an ni a. Zalenna kan neih ang chiah bawk hi anni pawh hian an nei ve. Mizo kan nih avangin Bangalore-ah ka zalenna tihtlem a ni chuang lova, hnam dang mi kan nih vang ngawtin Delhi-ah ka zalen lo miah lo. Chutiang bawk chu kan rama vai leh hnam dang awmte hian an chang ve phak tur a ni dawn lawm ni ? Dik lo taka mi nun va tihhrehawm te, mi sum va laksak ringawt te hi kan kristianna nen pawh a inkalh tlat a ni tih hi kan hriat fo a ngai.

Kan ramah chuan vai tlangval lianpui pawh tleirawl pawn kan ngam em em a. Kan ram a nih miau avangin kan hlau lo thin. Tin, sikul lamah pawh vai naupang chu tupawh maiin kan ngam em em a, tlema kan rilrem loh zawng deuhva an khawsak chuan kutthlak mai kan chak thin a. Vai naupang, mizo mizia hre tan chuan intihhuaia inhumruh ve ngawt chi a ni hauh lo. Kristian kan nihna hian heng kan nundan te hi siamtha thei tak ang maw le ? Kan ramah hian hnamdangte hi an zalen lo hle a ni lovem ni?

He thu kan sawi rual hian state thenkhat, state dang mite tana inlakpawr leh intihhuai vak chi lohna hmun te chu a awm ve nual a. Heng state-a lehkhazira awm leh zin ringawt pawh hi thilhrehawm tak a ni tih chu a hria tam tak kan awm ngeiin ka ring a. Tin, vai sual tak tak tawng fuh tawh pawh tam tak kan awm ang. Heti a ni chuang hian kan rama hnamdang awm ve te dinhmun hi ngun takin ngaihtuah ila, a awm ang ang te zalenna hi kan zahsak ve dawn lawm ni ? Keini pawh hian kum leh hun inher zelah chuan a kumtinin Zoram pawna thiamna zir tur leh hnathawk tur hian kan tu leh fate kan thawn chhuak tam tial tial dawn a ni tih hi hrerengin kan rama hnamdang kan enkawl dan hi i bihchiang deuh teh ang u.

Tin, thil pakhat sawi hmaih hauh loh tur chu: kan ramah hian hnamdang sual leh chimawm tak an awm ve leh zauh thin a. Mizo lak thilsual rapthlak tak ti te pawh an awm ve thin. Hetiang intihthiamlohna a awm huna ‘Total Bandh For Non-Mizos’ tih ang chi, chi leh chi inthliarna thil lutuk bandh huaihawt hi a finthlak ber loh. Kan mi leh sa te tam tak phai ramah an awm tih hi kan theihnghilh loh fo a tha ang. Shillong-ah te, guwahati ah te, Bangalore-ah te hian “”Total Bandh For Mizos”" han ti ve chiah  se la…tuna ka sawi awmzia hrethiam lo pawh hi kan var uarh uarh mai ang. Hnam bila inhuatna thlen thei zawng hi chu kan media lam pang pawh hian chhuah uar lo sela, thilsualtitu hrem anih chuan a tha tawk viau lawm ni ? Ka hmelhriat ngai pawh ni hauh lo, ka mizo puiin Guwahati-ah vai nula a lo khawih deuh avangin, nikhaw hre mang lo khawpa vuak tuar ve ta ngawt i la, a dik ber dawn em ni ? Rilru puitling put a hun a, kan felhlehna lai te kan enfiah a hun takzet a ni. Nikum lawk khan Shillong atanga MSU hruaitu thenkhat Zoram lam pan te chuanna Sumo chu misualin an lo suam a, a tuartute beisei anga chakin Police lamin hma an la lova, hemi chungchanga Mizo Website pakhata comment ka lo chhiar-ah chuan, “”Mizote hi India mi-ah hian min chhiar ve lo emawni tih mai tur a ni”", tih a inziak a. A pawi hlein ka hria. Mizo kher lo pawhin Shillong leh Silchar inkarah hian suam an tawk fo mai. Tin, heng chungchangah hian Police lam hian hma an la chak tawk lo fo tih lah tlang hriat a ni a, India mi-a in chhiar leh chhiar loh lam a ni lo. Kan dinhmun hi nguntaka thlir vang vangin India mi kan nihna hi a tawp mai mai dawn tawh lo tih hriat a tha. A pawm thiam apiang an nihlawh a ni mai. Engemaw thil tesep mai maiah “”India mi dik tak kan ni lo, an pawh kan ang ve lo”" tih fo te hi a fuh ber lem lo. Kan nihna hi pawmthiam kan zir a ngai.

A tawp berah chuan, mi rama kan awma min lo treat sela kan duhdan ang chiah hian kan rama hnamdang awm ve te pawh hi treat ila. Dikna leh zalenna India ram danpui hmanga an neih hi i zahsak ve ang u. Hnam inlak bingna thil reng reng hi bansan tum ila, hnam dangte tan pawha Zoram mipui te chu Kristian, zalenna ram a lo nih theih nan hma i la ang u. Mimal zalenna inzahsak pawimawhzia kan hriatchian hi a tul a ni. Tun dinhmunah hi chuan kan ramah hian hnamdangte hi an zalen si lo.

Original Post Date: 2007-01-17

Author: James CVL Thanfamkima