Pu Zorammawia hi Pu Lalsanga & Pi Lalrimawii te fapa a ni a . Amah hi Junior Engineer niin Power & Electricity Dept, Saiha, Mizoramah hna thawk mek a ni Bangalore-ah a hna atan improvement a neih nan Saptawng zir turin a lokal a, kar khat vel chauh a la cham a. Nov 19 zing dar 2 .00 AM ah a nupui a han phone chuan hlauh nei ang a insawi in, in humhim nan Police Station hnai ber Ashok-Nagar Police Station-ah tlan lutin zing dar 7.00 am thleng a awm a, Police SI Kumara (zan duty) chuan tha takin a kal leh ta mai niin min lo hrilh a ni.. Chuta tang chuan a chanchin kan hriatzui tak loh avangin, PG neitupa Pastor Lipo chu FIR thehlut turin kan ngen a, a thehluh fel hnuin Police hote chu Pu Sangliana kan biak tir a, an nin hma min lakpui ta ni.
Nimin zing dar 8.30 vel bawr khan St.Joseph Comerce College zirlai pakhatin an college bul Brigade Road ah a veivak a hmu a, chu thu kan hriat hnu chuan nasa takin kan zawng leh a, vanneihthlak takin Koramangala 8th Block ah kan mizawn a thlalak kan thehdarh chu mizo nula pakhatin mibo in zawn ang deuh kha ka hmu tih naupang thenkhat a lo hrilh a, an nin an va chian chuan a lo ni ngei a, Pk-a helai MA zirlai te inah an hruai lut a, a lo bal hle mai a an bualfai a ni.
Zorammawi bo dan hi a mak hle mai misual hlau-a tlanchhia zam em em kha a nia, a mah kan hmuh chuan a Gold Chain lian tawk tak a rawn awrthlak chu pawhthlaksakna hnuhma niawm tak a val kulh mai a, a Gold Ring, a Wallet leh Mobile Phone engmah a kutah a awm lova,amah chuan min kaphlum tih ringawt a sawi a, a rilru hi a buai hle a ni, Nizan dar 11.00pm khan Acura Hospital Koramangala 6th Block ah admit a ni.
