| Courtesy : Mumbaimizo website: |
| Feb 24, 2010 Pu RL Rinawma IRS BMA Patron leh Senior Adviser lo ni fo tawh chuan a hnaa a thawh that avangin all India level chawimawina sang a dawng. Ministry of Finance, Department of Revenue (Central Board of Direct Taxes) in All India level-a Officer hnathawk tha ho zinga a titha zual, panel siam biktena “Best Orders and Practices” an thlanchhuah zingah Pu Rinawma hi thlan chhuah a ni a. Hei hi Mysore-a Commissioner of Income Tax dinhmuna a awm laia a hote nena an hnathawh that rah a ni. Heng titha zualpui thlan chhuah tha bikte hming hi “Let us Share Vol. 2″ tih lehkhabu-ah tarlan a ni. Chutianga thlanchhuah bikte chu Certificate of Appreciation hlan thin an ni. Pu Rinawma pawh hian kar hmasa khan Guwahati-ah Certificate of Appreciation hi a va dawng a ni.
Pu Rinawma hi India ram hmun hrang hrangah Mumbaiah te, Mysore ah te, Pune ah te, Bangalore ah te post a lo ni tawh a. A awmna hmun apiangah hna lamah a titha pawl mai ni lovin, kohhran leh khawtlangah pawh hruaitu entawntlak tak a ni thin. Pu Rinawma hian Pathian zarah a awmna apiangah hna thawk tha berte zingah chhiar tela a awm ve thin avanga lawmawm a tih thu leh, tun tuma a chawimawina dawn pawh hi Pathian khawngaihna a nih thu sawiin, a Bible chang duh em em mai Sam 32:8 “Ka zirtir dawn che a, I kalna tur ka kawhhmuh bawk ang che. Ka en reng che a, Ka kaihruai zel ang che” tih chang hi a innghahna leh a nun kaihruaitu pawimawh tak a nih thu a sawi bawk. Pu Rinawma hi tunah Mizoram Sawrkar hnuaiah Industries ah leh, Land Revenue & Settlement ah leh Geology & Mining ah te Secretary hna a chelh mek a ni. Pu Rinawman Chawimawina a dawn hi Mumbaimizo ten kan lawmpuiin a hna thawh leh zel turah pawh kan duhsakna sang ber kan hlan a ni. Tin, tuna a chawimawina dawn hi Mizo thangtharte cho chhuaktu leh fuihtu a nih ngei kan beisei a ni. |
