He page ah hian Mizoram pawn lama Mizo Association websites te dah lan a ni a, a kim thei ang bera dah tum a ni a, visitors ten khawngaihin kan awmna state/country mizo association website te a in tar lang velo anih chuan admin hnenah “contact-us” atang hian rawn hriattir ula kan lawm hle ang.

1. Chennai Mizo Welfare Association
Chennai khawpui hi zofate tan thiam zirna hmunpui pakhat leh India rama khawpui pawimawh tak a ni a. Tun hma hun rei tawh tak atang khan Mizo eng emaw zat lehkha zir leh hnathawkin an lo awm tawh a. Kum 1981 khan zirlaite intelkhawmin pawl changtlung tak Mizo Students Union chu an lo din a. He pawl hian Chennai khawpuia Mizo awmte inpumkhatna kawngah leh intanpui tawnna kawngah hma a lo la thin a ni.
2. Delhi Mizo Zirlai Pawl
DMZP website hi tunah siam that kal lai mek ani a, information an la dah kim chang lo hle a, a nih tur ang a nih hunah a plot pawh hi rawn tar chhuah that leh a ni ang.
3. Hyderabad Mizo Association
Hyderbad ah Mizo awm te hian pawl pahnih min phuar khawm tu lian tak kan nei a. Kohhran lam a min huap zo tu pawl kan neih chu Hyderabad Mizo Christian Fellowship(HMCF) hi a ni. Hei hian Kohhran leh inrelbawlna lam a chang a. HMA erawh chu khawtlang inrelbawlna lam a chang thung.
4. Kolkalta Mizo Students
Kolkata Mizo Students (KMS) hi ram pawna zirlai pawl ding zingah chuan a upa ber pawl a tih theih awm e. KUm 1949 a din a ni a, Motto atan ‘Learning for progress’ hman a ni.
5. Mumbai Mizo Association
Mumbai khawpui hi Bombay a nih lai atang tawhin Mizoten an lo bel ve thin a. Tunhma atanga tun thlengin Mumbai khawpuia cheng Mizote hi chi thumin a then theih a. Pakhatnaah chuan hnathawk- sawrkar leh private a thawk. Pahnihnaah Sipai a tang (Navy leh Army) te leh pathumnaah chuan Zirlaite an ni tlangpui. Hmun changkang tak a nih rualin ei leh in khawsakna a hautak em avangin zirlaite an pung tam thei em em lo. Hostel chang lo tan chuan inluah man senso a sang hle a, tlin a harsa a ni.
6. Mizo Students Association, Bangalore
Khawpuiah Mizo zirlai a kumtelin kan pung tulh tulh a. Mi inang lo leh dinhmun hrang hrang leh tlang hrang hrang atanga he khawpui hi pankhawm kan ni a. Zirlai inhmuhkhawm emaw, zirlaiten a kan mamawh sawrkar hnena thlen emaw, Bangalore-a zirlai pawl anga midangte tanpui leh hna thawk turin engmah tihtheih kan nei tlat lo. A chhan chu Bangalore-a Mizo zirlaite hi pawl anga kan din loh vang a ni. Kan dinhmun hrang hrang leh mamawhna hrang hrang avangin zirlai pawl Bangalore-a din ve hi sawi rik a ni fo thin a, din deuh tituai te pawh a lo ni ren rawn tawh bawk a. Nimahsela, engemaw thil avangin engmah tak tak puitlin a ni mai lova. Din hi a tulin, zirlai pawl hi Bangalore-ah kan mamawh ve a ni tih zirlaite rilruah a len tlat bawk si a. Kum 2005 October thla tawp lamah chuan din ngei turin zirlaite kan lungrual dawn em tih inzawhkual a ni a. Zirlai Pawl Din ngei tha kan tih tlan avangin 20th November 2005, Pathianni tlai dar 6:20 chuan din fel a lo ni ta a ni.
7. Mizo Students Union Pune
Kum engemawti atang tawh khan Pune-ah hian Zofate kan lo awm ve tawh a. Pawl anga ding tham kan lo nih hnuin a hmasa ber atan Mizo Zirlai Pawl (MZP) kum 1968 ah din a ni a. Chumi hnuah remchan zawkna avangin hming thlak zelin heng pawl hming hrang hrang – Pune Mizo Welfare Council (PMWC), Pune Mizo Students’ & Welfare Association (PMWSA) leh Pune Mizo Association (PMA) te an lo awm tawh a ni. Heng pawlte hi a chunga tarlan tak hming hrang hrang vuah ni thin mahse a tum bulpui ber chu Pune-a Mizo awmte insuihkhawmna leh inpumkhatna a ni. Hun a lo kal zel a, zirlai pawl anga thiltih a awlsam zawkna avangin leh remchan zawkna hrang hrangte thlirin PMA chu August 15, 1996 ah Mizo Students’ Union, Pune (MSUP) tia thlak a ni.
8. Zohnahthlak UAE
Zohnahthlak UAE te admin bengvar a zarah hei Mizo United Arab Emirates lama an website chu rawn tar chhuah ve ani a, UAE lamah hian Mizo sawi tham fe an lo awm ve leh tawh reng mai a, an web contents te belh chian anih hnu in Mizo awmte hi an inpawh tlan hmelin an tan rual hmel hle.