Nl. Jennifer Lalchhuanmawii D/o Aithuama, Electric Veng chu February ni 25 zana a thiante In (#8, 20 Main, 19th Cross, SMS Layout, 5th Phase, JP Nagar, Bangalore-78) lama a riak chu tukin (Feb.26) zing khan kaihthawh zawh a ni ta lo ani. Amah hi Ocwen a thawk niin kum 32 vela upa a ni a, Bangalore Mizo Association ah hian inziaklut lo a ni. Police lamin an enfiah hnuin KIMS Hospital-ah post mortem a ni a, chawhnu dar 3:45pm velin embalming nen engkim tih zawh a nih hnuah, Bangalore Mizo Christian Fellowship in hetiang thilah hian thlahna leh ralna hun a hmang thin a, tun tumah hian 4:30pm ah a hmang. February ni 27 hian an In lam panpui tura ticket pawh lak fel a ni. A ruang hi a naute Julia, Kimkimi, Mimi leh a thianpa Arup ten an zui haw ang.