Kan Nu leh Pa te hi kan lei Pathian, he khawvel a kan ro neih hlut ber te an ni. Kan engkim a engkim an ni tak meuh meuh a. Kan tan a thil tha lo tur ni a an hriat lak ah te hian an phak ang tawk tawk in min zilh a kawng min kawhhmuh thin.Mi tam tak te chuan ( kei pawh tiam in) kan Nu leh Pa te dinhmun leh an mawhphurh na len zia leh hautak zia te hi kan chhut pui ngai lo thin khawp mai. Tha tak a min enkawl seilen a kan duh zawng min tih sak leh ngawt thin tur ah kan ngai fo hi a thalo khawp mai. An tih ve tur reng a ngai kan tam phian mai thei. Mi fate kan an ve theih nan leh rual awt lo a kan awm ve hram hram theih na tur a nih phawt chuan an neih zawng zawng sen pawh an phal hial thin. An fate tan chuan engkim hlan pawh an zuam ang. A tha zawng a kan nawm ve theih na tur a nih phawt chuan an kut leh nghawng ah te rangkachak leh thil hlu ten hmun an chang lo. An thawhchhuah ang ang te pawh ui lo in kan tan a tha tur ah chuan an hlan tawp zel. Tichung hian a tam zawk te hian lawmthu han sawi nachang kan hre lo fo thin. Kan hmangaih thu phei chu kan sawi khat viau ang. A tur ve reng a ngaihna Society ah kan cheng miau a tin ni. Kan Nu leh Pa an nihna hi hetia han sawifiah vak ngaihna a awm lo, mahse kan thinlung chuan kan hria.

Tunlai khawvel changkang tawh tak ah hian kan Nu leh Pa tam tak te hi an Out dated ( hmanlai) tawh khawp mai. Hmasawnna ke pen rual a han pen dan pawh an thiam mang tawh lo. Kan Nu leh Pa te hi mifing leh rem hre tak an ni vek bawk hek lo. An hunlai chuan parawn tlak te pawh an lo ni mai thei. Kan tun hun hi a changkang tawh em a vang hian kan Nu leh Pa te hemi kawng han hrilh hriat hi kan mawhphurhna lian tak a ni. A nih loh chuan inchhungkhur ah in hnial na a chuak fo thin. An mi enkawl dan ah te hian a za a za in a dik bik chuanglo. Mahse tha ni an an hriat ang ang in min zilh thin a ni zawk. Vawikhat chauh pawh I hmangaih thu han hrilh teh, i inchhir miah lo ang. Chuvang chuan kan theih ang tawk tawk a kan duat ve hi kan tih tur ve reng a ni tih hi kan hriat nawn fo a tha.

Nu leh Pa ten a min enkawl dan a thalo ni a ka hriat te han sawilan ka duh tlat mai. Naupang tlei rual kan nih a tang in thiamna zawng in school min kai tir a. Thiamna paw chhuak tur in duhsakna min hlan thin. Tunlai chhan ah chuan mi Zawng zawng in lehkhazir hi an tui ber lo. Tui loh na na chuan lehkha pawh a thiam theih loh. School kal ringawt hi Education a ni lo. He ngaihdan hi kan zawm loh avang in mi tam tak te chu tun ah tih tur nei miah lo in an awm phah a. Fate a talent hrang hrang awm zawn chhuah sak a chu mi kawng a eizawnna tling khawp a ke an pen theih na tur in kan fuih fo thin tur a ni. Nupa tam tak ten a an chin thalo deuh mai chu kan fate school leh college an kal lai a an chanchin kan ngaihven ngai lo hi a ni. Hmun dang a fate school kal tir ho zing ah hian a ni leh zual.Eiruk a fate lehkha zir tir hian rah thalo deuh mai a nei tlat. Chu chu an fate ah hian a lang duh khawp mai. An faten an eiru tih an hriat ve kur avang hian an rilru a an thil ngaihtuah te a hrisello in hlawhtling tak an awm khat khawp mai. Eiruk hmang chuan a fate ah pawh beisei a nei sang vak ngai mang hian ka ring thin lo. A ruk in inthiamlohna an neih tlat. An fate hian an eiru a ni tih hi an hrechiang em em bawk nen. Hremna hmasa an chung a lo thleng ah a ngaihsak theih mai awm a sin! Fate lahkhazir a tirh liam a admision tih fel hnu a duhtawk ta mai Nu leh Pa kan nei teuh ta mai. Exam a lo hun a an exam a an pass chuan duhtawk ta mai kan tam hle. An ni tin nun dan kar khat a vawikhat tal ngaihtuah a an chanchin zawt thin Nu leh Pa hi engzat tak awm ang maw. Fate chanchin a chhia a tha pawh ngaihtuah ngai lo, guardian a an hman te pawh be ngai miah lo, mamawh hun chauh a pawisa inthawn hi fate tih khawloh na bul pakhat a ni. Nu leh Pa ten a an chin thalo leh deuh mai chu Mahni Duhthusam a fate awm tir tum hi a ni. Kan nulat tlangval thatlai anih kan chak leh kan dreams ni thin mahse kan nih tak si loh nih tir tum hian mi tam tak chuan fate in enkawl thin. Ka Pa hian IPS officer ni tur hian min duh thei em em, mahse ka tui loh mai bak ah nih duh dang te ka lo neih ve a vang in a tum pawh ka tum chhin miah lo. Mi chu a nawrlui chuang lem lo. Mahse mi hi kan inang vek lo tih kan hriat erawh a tha. Mi faten a Doctor emaw Engineer emaw an zir a an lo hlawhtlin avang a an dinhmun ang awt a fate Doctor emaw Engineer emaw zir tur a fate tirh liam ve ngawt ten a a result te hi kan hmuh hi. Pawisa ngah a mi challang tak nih I chak avang mai khan I fa khan pawisa ngah a chak ve kher lo thei. Chuvang chuan mahni fate tui zawng leh an hmantlak na tur hriatpui a I fate I enkawl thiam chuan hlawhtlinna in a hmuak ngei ang che.

Mahni fate hreawm tir phallo Nu leh Pa an tam hle mai bawk. Harsatna leh buaina ten chim se an mahni a talchhuah dan kawng an ngaihtuah fe hnu a an thei ngang lo a nih hun ah chauh I fate hi pui thin rawh. Lo thi thut ta la engtin nge I faten buaina I tello in an hmachhawn theih anga an lo dam khawchhuah ve theih ang le?

Original Post Date: 2007-11-16
Author: Lalremliana Pachuau

Tam tak te chuan kan chhut ngailo a ni mai thei, mahse engzat fakau nge Mipui te hian kan fate lehkha zirtir nan a kan ram a pawisa te hi kan hman tih kan hriat a hun in ka hria, he subject hi a ngial a ngan in in chhut dawn teh ang.

Tun hma College kan kal ve lai te kha chuan thlakhat ah cheng sanghnih te hian kan in tla ve em em thin kha a nia, College hostel a kan awm vang te pawh a nia nge, a tlem in lo ti mai thei 1995 lai vel kha chuan. Tun ah zawng khawvel pawh a changkang tawh a, tun hma Shillong pel ngai vak lo khan tun ah chuan kan zirlai tam zawk te chuan North and South India lam ah bu kan khuar ta fur hlawm mai. Heng Delhi, Chandigarh, Bangalore, Hyderabad, Mumbai, Culcutta, Chennai ets ah te hian mizo zirlai chhiar tham fe kan awm ta.

Engvang a Mizoram a lehkha kan fate kan zitir lohna chhan, ram pawn a kan kal tir na chhan tih zawhna hi ka rilru ah a lian hle. Lehkhathiam tam lam ah chuan India ram ah pahnihna kan ni ngei mai. MA, BA rual val pawh kan tam, mahse kan fate rampawn ah kan dah tlat si. A dik a dik chuan kan zoram Educational facilities leh infrastructure neih te hi thiamna tak tak neih nan chuan an la hman tlak loh tih chu a chiang reng mai awm e. Plus two zirlai, a bik in sorkar school a kal ho te hi an khawngaihthlak ngawt in ka hria. Plus two zirtirtu te kan sorkar in an lak hlim khan a tam zawk tih theih deuhthaw te chu, induhsak na vang a lut, thiam reng vang a lut an ni lo tih hi han en hian a hriat ngawih ngawih mai a ni. Net pawh paltlang theilo, an subject pawh zirlai te hnen a sawifiah tha thiam hleilo ho hnuai a zir te tan hi chuan khua hi a var har ve viau ta ve ang. Nawrh te hi an la hrat phian leh nghal a.

A tam zawk contract a thawk a ni a, hlawh pun in sorkar an han kar thin te phei hi chu mi ram sorkar ang nei ve ila chuan an bang phiar tawh ang, an vannei a sorkar dawihzep lutuk ho hnuai a kan ram a la kun mai mai vang hian an la vannei a nih hi. Chu tih rual erawh chuan (heng plus 2 chauh ka ti a ni lo), kan ram pum zirtirtu rual ho hi a ni ka tih ni zing ah hian mithiam tam tak, tih tak zet a zirlai te hamthatna ngaihtuah leh thawk erawh an awm ve tih erawh kan pha theilo ang, mahse mi tlem te vang hian mi tam tak hi kan hmingchhe thin si a, zia lo ngawt mai.

Chuan engvangin nge kan fate phai a lehkha zir tur a kan tirh liam chhan. Mi nu leh pa ten an tih vang mai a ti nge, thiamna tak tak pawchhuak tur a beisei chung a kal tir kan ni nge, kan faten an ngen vang a kal tir tih erawh hi chu nu leh pa te chhan ah I dah teh ang. Duh ai in ka pengkual thui dawn tlat, duhthawh a na ve deuh a ni e. India ram hmun hrang hrang mizo zirlai tamzawk te awm na ah hian ka lo tei kual ve tawh a, heng ka kal na hmun hrang hrang atang a ka tawn hriat leh hmuh te atang a he thu hi ka rilru a lo awm pawh a ni reng a ni. Indian ram khawpui ber Delhi han en ila.

Hnathawk a awm awm nual mahse a tam zawk te chu zirlai an ni fur. Heng zirlai ho te hian in an luah fur a, an in luah ah te chuan television, fridge, computer ets tih vel an nei fur mai. Tin ka hriat an tlem nge chu ka hre lo mahse Mizo tam zawk te khian bike zu han nei fur a! Kan Manipur mizopui zirlai ten a an sawi pakhat ka la hriat reng chu, nangni zing a inkhawm chu a hreawm em mai, fashion show neihna emaw tih mai tur in in inchei nalh thei ropui si a, in class a sang em a, kan rawn inkhawm ve ngamlo a lawm ti in min han hrilh chu! Delhi chauh a ni lo, hmun dang ah pawh hetiang hi thil awmdan a ni ve tho. Bangalore hi hmun dang nen a khaikhin chuan khawsak man san na ber pawl a ni awm e. In luah dawn pawn in zimte one bathroom, sitting room, kitchen leh bed room awmna ringawt luah tur pawn deposite cheng singhnih singthum sen a ngai a, thlatin in luah man ah pawh cheng 2500 atang 7000 chuang pek ngai an ni fur mai. Chuvang tak reng chuan zirlai tam zawk te chuan kan mizo pui te ngei siam PG emaw hostel emaw kan bel tlangpui. Mahse zirlai inluah tam tak an awm ve tho bawk. Heng PG ah hian thlatin fee ah mipa tan sangthum, hmeichhe tan sanghnih zasarih emaw zanga emaw te a nia. Chuan an school kal na man tur nen a han chhut chuan ( hei hian India rampum ang in lo ngai tai la) a lo ber ah cheng sangsarih atang a sangriat vel chu thlatin thawn an ngai dawn ang a chhut theih ani, india ram pum huap in ka tih khi aw. Hmun then khat ah te chuan sangthum atang a sangnga pawn an in daih thei lutuk ang, mahse a average a lak ang in ka,n chhut a ni e.

Thenkhat te hi chu in inluah tawm a awm in pawisa pawh an inchawi sem thin. Chuti a lo nih chuan rampawn a lehkhazir a awm te zat dik tak chu hriat theih chiah ni lo mahse khawi khawi maw source atang a han en a han chhut chuan a lo ber ah pawh rampawn a kan fate lehkhazir a awm te hi a lo ber ah pawh mi singkhat dawn kan tling ang in a chhut theih awm e, a chhan chu register loh a awm tam tak an awm ve a vang hian.

Mahse kan zirlai thenkhat te hi chuan an lehkha mai ni lo hian fiamthu a pawn science an tih ang zir hi tam tak an awm tlat! An zirlai ai a, thildang intihhlimna hmun a hmuh tur tam zawk an awm tlat.Thenkhat tawngkam phei chuan min ti sa zak mai. Mizo mipate bul a awm ai te chuan hnamdang bul awm a nuam zawk ti a, mizo thiltihpui nikhua a an hmel rawn lan ngai reng renglo an awm te hi a pawi a sin. Hnathawk ho zingah pawh kan ni tho. Zirlai tam zawk te thil neih han en hian e, thlakhat a nu leh pa te pawisa rawn thawn awmzat hi chu a hriat theih mai awm e.Tunlai thil changkang ber ber nen an awm a. Cell phone ni se a sing chuang man lo chu hmang duhlo, GPRS leh internet connection nei chuang lo a Laptop leh desktop nei, an zirlai puitu a tan a tangkai na nei miahlo tam tak an awm te hi aw tih mai loh chu han tih vak ngaihna pawh a awmlo a ni ber e. Mipa bike nei lah hi an awm fur zel leh nghal khawi state lian deuh deuh ah emaw hi chuan. Nu leh pa te hi in van fel in in fate hi in va han duat thiam thin tak em! Tiang kawng ah chuan khawvel ah hian a ber in ni mai long maw aw tih theih tur in ni. In lam leh kal lam ah lah hian Air a kal tir theuh in tum emaw ni aw tih theih tur hian in fate hi in han in duat rawn hlawm chu a nia, kan sumdawng mihausa fate hi chu ka hrethiam lutuk, mahse A tam zawk te hi chu kan sorkar officer hnathawk lian fate an ni tlat hian a ni rilru kap chu ni! Kan zoram budget pharh tak a engzat tak kha maw ram pawn ah a lo thlawn in kan hmanral leh ang aw?

A ruhlang rawt a sawi chuan heng zirlai ho zing atang hian kan ram hian enge hlawkna kan hmuh let ang le tih in chhut ngai em? Za a sawmhnih ( Kei phei chuan sawm pawh ka ringlo ) vel ho bak hi chu lak tlak tak hi vang tak an ni. Ni lo se kum tin in chu mi kha mi chuan campus selection a tlingin hna a hmu emaw, UPSC exam ah interview ah a tling tih emaw Net a pass thar tih emaw Dotorate degree a hmu thar tih emaw hriat tur hmun tin atang in hriat tur a awm fur ang chu! Mahse kan va hre si lo em! Chu mi kha mi chu a pass a tih vel bak hriat tur a awm hlawllo chu a nih hi. Pass ringawt hi chu kan tam lutuk, Mizoram ah phei chuan pawl indin tham khawp a pass tam leh employment register a a in ziak lut an pun kumtin hi! Mizoram pawisa hmuhna hnar ber chu Central sorkar atangin a ni tih kan hre theuh awm e.

He sanction hi han tawp thut mai se chuan aw, I ngaihtuah ngai em, puanthuah tel a mahni ram lam pan a haw tur kan tam ngawt ang chu, then te phei chu haw theilo pawh an awm mai thei a ni! In fate pawisa in rawn thawn zat hi e, duh ai chuan a tam deuh chu a ni e. Thla tawp lampang a in pawisa rawn thawn te hi khawi lai dept pawisa pawh pen atang a lo kal te a nih ngawt loh chuan Savings in thiam hle tihna ni tur a ni, tam thei em mai. In thlakhat rawn thawn kan chhut hian thlakhat chhung zawng a nun phung pangngai leh engmah ngheilo leh nei lo a in awm thei si a ni chuan in hlawh hi a va han tam dawn rem rem ve ka ti thin. First class officer ho te hlawh zat kan hria a, kha kan DGP lalber basic pawh kan hriat kha. Mahse in thil rawn thawn en hi chuan DGP hlawh te chu nepte hi a ni ringawt a lawm le! Hlawh nei ve tho kan nia, nun phung khawsak harsat zia te hi kan hre ve tho a sin! Impossible hian in nun ah awmzia a nei ve vak lo a nih dawn hi! In possible tiah tiah hlawm em mai. Hetiang a in nei rau rau a nih si hi chuan Sapram lam ah te hian in fate hi tir liam ula, thiam na tak tak pawh an rawn pawchhuak ve mah na le.

Tin nu leh pa thekhat hi chuan mahni fate lehkhazirlai ngaihtuah pui lem hlei lo a awm mai mai in tam ngawt in ka ring. Ka thian pakhat hausa deuh fa pakhat hian ti hian a ti pek a lawm le, ka nu te chu enge ka zir a ka tih that leh that loh pawh min zawt ngai lo a a tih kha ka la hre reng, tiang ang nu leh pa te hi in awm fur in nia ka rin. Kuhva ei sen tuam tuam pah a ka fa pa fanu chu chu mi college chu mi state ah chuan a awm a chumi kha mi chu a zir ve a ti tulh tulh duh hmel in tam ngawt in nia ka rin ni. Ni lo se warden a in faten a in hman te nen hian kartin in be awm a mawi in ni, chu tih a hnek in warden ten College Pricipal te hnen a explanation pek ngai fo thin te hi a awmlo tur. Attendence a tla te hi an kuh tunlo tur, thenkhat nu leh pa te phei chuan result sum a lei emaw thamna pek hnial lo pawh in awm chek a niang I sawi thuilo mai teh ang, chuti lo zawng min vawhlum duh an lo awm palh a nge.

Tichuan mi singkhat tlinglo hlek a chawhrual in cheng sangruk ah lo chhut ta I la, ( a tlem chu ka ti viau, a pawisa hi! ) thlakhat a ram pawn a kan sum senral chu cheng vaibelchheli (Rs/- 40000000) ang lo ni ta se, a tam ti in lo awm a nih pawn in ngaih dan ah dah ta mai ila, kumkhat ah chuan cheng vaibelchhe sawmnga (Rs/- 500000000) ang vel in seng ang kan nih chu! Vaibelchhekhat hi cheng sawm nawt hian nitin chhiar ta la thla engzat ah nge I chhiar zawh ang ? Rei viau ang, mahse kan Politician te hi chuan an sawi chhuah thiam khawp hi he lam ah chuan a chhiar lam ah chuan buailo phot mai teh ang. Heti hi a nih si chuan heng kan pawisa senral atang hian kan ram ah cheng engzat nge lo lut ve ta ang le? Hmun sawm a then a hmunhnih pawh hi kan hmuh let ka ring lo, chu ti a nih si chuan a lo thlawn in pawisa kan sengral ta tih na em ni ? Nge kan fate educated an nih nan a kan insengral a ni ve a kan ti dawn? Educated ringawt ni tur chuan phai a ngailo, mahni ram ah University meuh pawh nei ve tawh chuan khitiang zat khi kan senral a ngailo ang. Student te pawh kan harh chhuah a ngai, hetiang ringawt a in kal a nih chuan in tan khawvel ah hmun a awmlo. Khawvel hi chu e Survival of the Fittest a ni tak meuh tawh zia in hriat a hun ta e.

Keini mi tlemte zirlai kan awmlai hian vai ho pawh hian lehkha an zir ve a ni tih hi kan hriat a hun lutuk tawh. An ni zawng an theihpatawp bak in an zir a, an zing ah phei chuan kan ram a mipui te hi buai lai a an sawi ang deuh a tlemte te a state hrang hrang a dah darh a chimral mai tham lek kan ni tih hre reng chung a, kan ram tan a tangkai tur leh nu leh pa te DUHTHUSAM tih puitlin ngei tum in tan kan lak a hun tak zet ta e, nu leh pa te duhthusam tih hlawhtlinsak theih loh tluk a hreawm ka tih ka la hre lo, zak in ka,n kun tlawk tlawk mai ani. Engmah a tih theih tawh si loh, a tih theih awmchhun chu tun a mahni responsibility a hlawhtlin chauh mai hi ani ta.

Original Post Date: 2007-11-07
Author: Lalremliana Pachuau

Mizote hi thil kan tih tawh laklawh tawh chuan chawlh mai nachang pawh hre lo khawp a tuk tluk tluk thin hnam kan ni ti ila a kan tisual tampui loving chu maw! Thil thar kan lawm in ram changkanga mi ten an tih chu lo ti ve nghal mai thin, kan tan a tha nge tha lo pawh ngaihtuah chiang chuang lo a changkanna a ngai a lo ti ve chawt kan tam hle kan ram ah hian. Khawvel than chhohrual hian ke kan pen hlawk hle a, a phawvuak ah phei chuan he khawvel hmasawnna te hi kan thian hnai berte ang mai in kan nun ah an bet tel tlat thin.Computer age ah kan han chuang kai chiah a, kan zavai deuh thaw in Computer leh a kaihhnawk kan buaipui a, fate kan zirtir a, nu la leh tlangval ten thiante zinga thiamlo nih duh lo in kan ram a zirna tih tlak vak loh ah kan zir sup sup a. Nu lah paten mi lak a inchhuang nan Computer kan lei sup sup a. Mahse rei kan daih chuanglo. Kan zia hi mak ve tak chu ani. Thil thar lawm hle e ti lo in a hreawm chin thleng ngam erawh kan tlem leh hle thung. A tak tak ah engmah titha peih der si lo hian kan phek buai chiam thin. Pool a han awm a, mitin deuh thaw in pool khelh kan tum leh a, mahse reilo te ah parlour te chu tuman an tlawh peih tha leh der chuang si lo. Mitam tak hi chu kan chianglo a ni! Enge ka tih anga enge ka buaina tur a tha zawng in tih kan ngaihtuah leh peih bawk si lo. Kan ram ah hian mi buai tak tak mi kan tam hle. Nitin chuan hnathawk tur emaw thildang ti tur emaw chuan thalai leh puitling ho kan buai sup sup a. A then in khawilaikilkawi deuh na hmun ah emaw mahni tan a thalo tur tiin kan buai a, a then in mi office ah engmah ti lo in kan buai a, mi office kal kan bawr buai a, a then in dawrkai in kan ni kan leng a, zirlai ten an zirna school ah zirna belin an buai nileng bawk a. Kan ram pum buai mai a ni lo in at kan so bulh bulh nite pawn pawnlam darthlalang phen a tang chuan alang thei hial ani.Mithenkhat te chu khawlai party office ah emaw nil eng leng in an leng a , an ti ti duah a, contract beisei tak in Pute an tlawn a, buai an in ti ve em em a. Hengho te hi han belchiang ila mi laktlak tak chhungkhat in nghahfakna an ni zo angem tih hi ngaihtuah theih tak ani. Diktak chuan a rampum huap a kan buaina te pawh hi ngun tak a ngaihtuah chuan heng kan buaina ni lo ramhmasawna na tur a buaina hi a tam lutuk. Kan ram hruaitu te ho pawh an buaina lo tur thil tamtak ah buai in an hna in a tawrh phah fo thin. Mahse thiltha ti a buai ah chuan kan inngai ve em em chu a ni si! Kan hun hlu tak te kan khawhralna te hi a lo thlawn in em ni kan hman ral tih a inngaihtuah fo tur chu kan ni a sin. I thenawm te in a I lenlai ai khan in lam ah awm ta la thiltha I ti tam zok long maw? Thenawmpate nen a meizu pah a inkawm ho lo khan chhungkhur thil tih uar zok la nangmah pawh I hlim long maw? Zan I inkhawm tluk tluk lai a I fate an sual viau si chuan inkhawmlo a in lam a tawp tam a mahni fate thiltha ti tur a uap kha inchhung tan chuan a tha zok long maw? TKP leh KTP lam a I buai viau lai a I zirna a I hlawhchham leh si chuan I tan enge hlawkna awm ta ang? Zirlai hruaitu I nih avang a I buaina khan I employment problem kumkhua atan a solve sak che em?Pulpit tlang atang a hmangaihna thu I sawi dup dup lai a in inchhung a hmangaihna hmel hmuh tur awm miah si lo te hi kan buaina a dik em aw?Ni kan buaina te hi kan va han hrechiang lo thin take m. Thiltha ti a buai ve em em a kan in ngaih lai a hian kan buaina thin thil te hi han ngaihtuah ta ila kan tan atangkai tur ni hlei loh ah hian kan lo buai em em zawk a lo ni lo maw? Kan buai dan han en hi chuan kan nun ah hmasawnna te pawh hmuh tur awm awm tak mahse han in belchiang I la hnungtawlhna kan hmuh tam zawk ka ring thin tlat. Kan ram a cheng te hi han in belchiang mah teh ang u. Kan buaina lo tur ah hian kan lo buai ve em em a, heng kan buaina te avang hian kan taksa leh thil neih te pawn a lo tuar phah ta hial chu nih hi. Kan zavai mai hian kan buaina tur diktak ah buai ta theuh ila chuan kan ram hian namen lo in hma kan sawn ngei ngei ang tih hi ka ring tlat a ni!chumi tur chuan keimahni leh keimahni kan in hriatchian a tul a ni. Enge ka life capacity ni a, enge ka tan a tangkaina lam hna tur ka thawh theih ang tih te hi hna kan thawk a kan buai dawn rau rau a nih chuan hriat chian kan tum a tha khop ang, a lo thlawn a lo hah buai fo hian kan moral pawh a khawih hniam vak thei a sin. Tin nakin ah kan lo buaina avang a kan lo hlawhchham hun ah rilru te hi a na leh duh a sin! Kan ram hruaitu lian ber atang a mi te ber thleng hian kan buaina tur diktak ah lo buai thin nita ang ila chuan tun a kan zoram hmel poh hi nasa tak in a danglam ka ring tlat a ni! A chhan chu kan buaina te chuan riru leh tisa nun a ti hlim in lawman thinlungmin pe ngei ngei dawn tlat ani.

Original Post Date: 2007-11-06
Author: Lalremliana Pachuau

Everytime you say YES to something that is unimportant, you say NO to something that is very important. Remember you cant be all things to all people. Know your priorities and goals. This is the way to success.

Mizo te hi thil han tih dawn a a huho a nih phei chuan AW nghal dual mai thin kan nia. Mahse mifing leh he khawvel a hlawhtling te chuan a tul hun a AIH tih hi an hreh lo. Tlawmngaihna ah kan ngai thin a , aih tih hi kan harsat thin. Mahse tun ah zawng khawvel her pawh a dang ta, eng thil ah pawh kan yes reng chuan kan hlawhtling mawh khawp ang. A bik takin zirlai kan nih phei chuan Aih kan tih ngam a hun tlat tawh.Thil tih na zawng a i tel ve zel na khan rah tha a chhuah nge i zirlai i nih na ah harsatna a siam che tih te thliar thiam lo mi an tam vang in kan kalsual fo.Mahni in mawhpuh na chang kan la hre lo zui!Mahni mawhphurhna hre zo lo khawp a engkim i tih chuan i thil tih ah i hlawhtling ngai lo ang.Hei hi thudik tak a ni.Thla leh mai a exam tur i nih mek lai a khawilai Mizo function na a mawhphurhna pek i nih a i buai viau ai chuan i zirlai i zir khan he lam a i lo kal chan ah i hlawhtlin zawk ka ring tlat.I hunawl ah chauh extra curicullar activities te hi ti la, a tul hun ah chuan huai tak in Aih ti in pha ngam la, i hlawhtling ngei ang.

Original Post Date: 2007-11-06
Author: Lalremliana Pachuau

Mi maktaduai 37 ten Internet atanga Bible an chhiar atanga survey lak a ni a. Topverses.com chuan Bible chang lar dan indawtin a dah a. Bible print a kan hmuh anga Genesis atanga tan lovin a chang lar ber ber te chu zawn awlsawm zawk nan a dah hmasa a. Chang lar 100 atanga chang 87 chu Thuthlung Thar atanga lak a ni a.

Bible chang lar ber chu Johana 3:16 a ni a. A dawttu Johana 1:1 aiin a letin mipui chhiar a hlawh a ni. Bible bu then hran zinga lar ber chu Ephesi a ni thung. Bu tawi deuh lam hian chhiar an hlawh deuh niin a lang. Malakia chu Thuthlung Hlui a chhiar hlawh ber a niin, a pumpui thu ah chuan 19-na a ni ve thung.

Bible chang lar ber 10

1. Johana 3:16 Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan.

2. Johana 1:1 Atirin Thu a awm, Thu chu Pathian hnenah a awm, Thu chu Pathian a ni.

3. Johana 14:6 Isuan a hnenah, “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo.

4. Mathaia 28:19 Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis ula.

5. Rom 3:23 mi zawng zawngin thil an tisual tawh vek a, Pathian ropuina an chang zo ta lo a ni.

6. Ephesi 2:8 Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni.

7. Genesis 1:1 A tirin Pathianin lei leh van a siam a.

8. Tirhkohte 1:8 Nimahsela Thlarau Thianghlim chu in chunga a lo thlen hunah thiltihtheihna in la nei ang; tichuan Jerusalem khuaah te, Judai leh Samari ram khaw tinah te, kawlkil thleng pawhin ka thuhretute in ni ang,” a ti a.

9. II Timothea 3:16 Pathian Lehkha Thu zawng zawng hi Pathian thawk khuma pek a ni a, zirtir kawngah te, thiam loh chantir kawngah te, zilh kawngah te, felna zirtir kawngah te a sawt bawk a ni.

10. Rom 10:9 “I kain Isua chu Lalpa a ni tih i tan a, Mitthi zing ata Pathianin a kai tho tih i thinlunga i rin chuan chhandamin i awm ang,” tih hi.

Bible bu lar ber 10

1. Ephesi
2. Jacoba
3. Tita
4. I Johana
5. II Petera
6. Johana
7. Philippi
8. Kolossa
9. Rom
10. I Petera

Bible bung lar ber 10

1. II Peter 1
2. Sam 1
3. Johana 2
4. Jacoba 4
5. Rom 12
6. Isaia 53
7. Johana 3
8. Rom 1
9. Jacoba 1
10. Tirhkohte 1

Original Post Date: 2007-10-31

Author: Joshua Lalrempuia