BANGALORE MIZO ASSOCIATION
SILVER JUBILEE CELEBRATIONS COMMITTEE REPORT

Lalrinpuii Secretary

Bangalore Mizo Association (BMA) hi April 8, 1984-ah din a ni a. A din tirh lai chuan Bangalore ah Mizo 40 vel chauh an la awm a ni. Bangalore hi zirna hmun pawimawh tak awmna anih bakah a boruak hian Mizote a hip a ni chek ang kum 25 zet a liam hnu chuan member 1000 chuang kan lo awm ta reng mai. BMA hi UTC-a din a nih avangin a Address-ah pawh hman zui nghal a ni.

Silver Jubilee Committee te chuan hetiang hian Jubilee lawmdan tur an ruahman a, a lawm tanna hi April 4, 2009 ah inaugural function leh Seminar te neiin hlawk taka hman nise kan ti a, ruahman ang ngeiin he hun hi kan hmang thei a kan lawm hle a ni. Inauguration programme ah hian BMA President hmasa ber Dr. John M. Ralte chu Chief Guest a ni a, Secretary hmasa ber Pu Lalrochuanga Pachuau chu Guest of Honour a sawm a ni bawk a. An ni pahnih hian kan sawmna te ngai pawimawhin an rawn tihlawhtling thei ve ve a kan programme an tihphuisui phah hle a, an chungah kan lawm tak zet a ni. Tin chawhnu lamah ZOFATE HMASAWNNA LEH HMABAK tih thupuia hmangin Seminar buatsaih a ni a, Resource person te chu Pu Zohmingliana Hualngo Head of Human Resources for Airbus and AEDS India, Tv. Malsawmdawngliana Lailung Research Scholar, Assistant Professor in History, University of Hyderabad leh Tv. H.Vanlalhruaia Research Sholar University of Hyderabad ten an paper buatsaih chu kan ngaihthlak hnuah sawihona in a chhunzawm a. He seminar hi kan hlawkpui hle a ni.

HMALAKNA KAWNG DANG TE:
Silver Jubilee lawmna atan khawvel pum Zofate huapin Essay inziaksiakna leh Hla inphuahsiakna neih a ni a. Essay thupui atan chuan ZOFATE HMASAWNA LANGSAR ZUAL tih a ni. Tin hla inphuahsiakna ah chuan Zoram hmasawnna lam hawi nise tih a ni. Essay inziahsiak naah leh Hla inphuahsiak naah hian Trophy bakah Cash prize a awm a. Essay leh Hla inphuahsiak Cash prize atan lawman Pakhatna atan Rs.2000/-, Pahnihna Rs.1500/-, Pathumna Rs.1000/- tih a ni a. Essay Cash Prize hi Pu Shiv Shankar te nupa in min tumsak a an chungah kan lawm hle a ni. Tin, Hla inphuahsiak lawmman hi Rev.Dr. K. Sapthanga te nupa in min tumsak a, an chungah kan lawm hle a ni.

Essay in ziaksiak lawmman dawngtute chu:
Pakhatna – Rev.R.Lalthanmawia, Pahnihna – Tv. Samuel Lalrozama, Pathumna – Rev. H. Lalthlamuana te an ni.

Hla inphuah siak lawmman dawngtute chu – Pakhatna – Tv. Samuel Lalrozama, Pahnihna – Rev. R. Lalthanmawia, Pathumna – Tv. David Lalthazuala.

1. Thing Phun: Silver Jubilee lawmna atan leh hriatrengna atan Goodwill Girls High School leh Wesley Old Age Home-ah BMA hmingin thingphunna kan nei a, Goodwill ah hian Silver Jubilee Chairman Pu R.L. Rinawm’n thingphunna a nei a, Old Age Home-ah hian Lalsangzuali Sailo Section ten an phun a ni.

2. Sum tuakna chungchang: Silver jubilee lawmna atan Rs 2,50,000/ (Cheng nuaihnih leh sing nga) kan budget a, hemi tuakna atan hian BMA member lo ni tawh leh la ni mek te hnenah donation kan khawn a, member thahnemngai tak tak te hnen atangin cheng engemawzat kan dawng a kan lawm hle mai, hetah hian kan inlungrualna a langchiang hlein kan hria a ni. A bik takin kan Mizo Officer te BMA tana thahnemngai tak tak Pu RL Rinawma IRS leh Pi Ann Lalrinawmi IRS ten thahnemngai takin Sponsorship min zawn saka Cheng nuaikhat chuang ve ve lai min hmuh sak a, hei hian mualpho lovin kan sum hman na tur ruahman te min tih hlawhtlin tir thei a, an chungah kan lawm tak zet zet a ni.

3. BMA Football Tournament HVLT Mawia Memorial Trophy kum tina kan khelh thin pawh kumin Jubilee kum a nih avangin Cash prize siam a ni a. Championship Team ten Trophy bakah Rs 2000/- dawn tur Dr. Lalrinawmi Ralte in a sponsor a, Runner Up Team ten Rs 1500/- hei hi Angela Sailo te unau in an sponsor a, Tin, Third place atan Rs 1000/- hei hi Pu Jim Lalrammawia te nupa in an sponsor a an chung ah kan lawm tak zet a ni.

4. T-Shirt: Silver Jubilee lawm nan T-Shirt mawi tak tak inaugural ni a hak tur leh Vangpui Kut a hak tur te kan siam a, Tin Mug leh Bookmark te pawh Souvenir atan kan siam bawk. Lucky Coupon Jubilee lawm nan leh sumtuak nan kan siam bawk .

5. Memento – Silver Jubilee lawm naah hian BMA hruaitu lo ni hmasa tawh te kan rilru in kan hrereng a, an lo thawhrim tawhna te kan ngaisangin an mahni kan chawimawi ve na atan ngaihhlutna Felicitation leh Memento/Souvenir kan hlan vek a.

Closing Function: BMA Silver Jubilee chu kawng hrang hrang a lawmna kan neih hnuin October 2, 2009 zinglam dar 11.00 ah tanin Ranson Hall UTC-ah Closing function ropui tak neih a ni a. Hetah hian Mizoram Chief Minister Pu Lal Thanhawla chu khual lian a ni a. A nupui Pi Ri-i nen he hun hi min rawn hmanpui thei a kan lawm hle a ni. Anni nupa hian Bangalore Mizote hnenah thu chah tha tak tak min hrilh a. Hemi ni hian Mizo Officer lo ni tawh leh nilai mek kan chhuan em em te BMA tana an hun, tha leh zung, sum leh pai, an thiamna te ui hauh lova lo hmang tawh tute Dr.H.T. Sangliana IPS (Retd), Pu Rin Sanga IAS (Retd ), Pu Lalrokhuma Pachuau IPS leh Pu R.L. Rinawma IRS te hnenah chawimawina (Felicitation leh Souvenir ) pek an ni.

Programme hi chhunlamah urhsun taka hun kan hman hnuin, zan lamah ARKAIDEN ZAN programme hun hlimawm tak Bangalore Mizo ten kan hmang chhunzawm leh nghal a. He programme hi Variety Show anga kal pui a ni a. Zaithiam tak tak bak ah Costume Parade, lam mawi tak tak leh thil dang dang entir a ni a. Committee member te inpekna avangin kan Variety Programme hlawhtling takin kan hmang thei a, an chungah kan lawm takzet a ni. Hemi zan hian mit leh beng a tlai hle mai a, a kal te khamlo zetin kan tin ta a.

Tin, hemi bakah hian Chief Minister hian Bangalore Mizo ten Mizoram House kan mamawh thu a hnena kan thlen chu ngaipawimawhin Karnataka Chief Minister leh Home Minister te kawmna a nei a. Karnataka Chief Minister BS.Yeddurappa chuan hmun (ram) tha lai tak pek a lo tiam thu Bangalore Mizo te hnenah min hrilh a ni. Kan Chief Minister zahawm takin Mizoram House kan neih theih na tura hma min laksak naah hian kan lawm takzet a ni.

ORGANISING COMMITTEE MEMBER TE :

Chairman: Pu R.L. Rinawma IRS

Secretary: Pi Lalrinpuii

Treasurer: Tv. Amos Lalremtluanga

Convener Souvenir: Dr. Lalrinawmi Ralte

Convener Fund Raising: Pu Ramdinsanga Saiawi

Members:-

Dr HT Sangliana, Rev.Dr. K. Sapthanga, Pu Josiah L. Ralte, Pu Zohmingliana Hualngo, Tv. Madawnga Hauhnar, Tv. Zoramthanga, Pu Paul Lalchhanhima, Tv. Samuel Lalrozama, Tv. Joel Murray, Tv. Alan Lalhriatpuia, Nl. Blessy Sailo, Nl. Thaarie Hnamte, Nl. Lalfakawmi Khawlhring ,Tv. Joseph Remlalruata Mysore, PC Ramdinthara Mandhy

ARKAIDEN ZAN ORGANISING COMMITTEE MEMBER TE:
Convener: Pu Josiah L Ralte
Ex-Officio: Pu R.L. Rinawma Chairman SJCC & Pi Lalrinpuii Secretary SJCC

Member te : Amos Lalremtluanga, Paul Lalchhanhima, Samuel Lalrozama, Isaac BT, Benjamin Rualthanzauva, Thaarie Hnamte, Blessy Sailo, Lalfakawmi Khawlhring, Sawmteii Khawlhring, Nancy Lalhriatpuii, Rebecca Lalthanpuii an ni